अन्तरराज्यीय प्रेम विवाह र श्रीमान् बेपत्ता: न्याय माग्न ससुराली पुगेकी महिलालाई प्रहरीले कपाल समातेर घिसार्यो

भारतमा अन्तरराज्यीय प्रेम विवाह गरेकी एक महिलामाथि प्रहरीले अमानवीय र बर्बर व्यवहार गरेको दुखद घटना सार्वजनिक भएको छ। श्रीमान् रहस्यमय रूपमा बेपत्ता भएपछि न्याय र जवाफ माग्न ससुराली घर पुगेकी ती महिलालाई प्रहरीले कपालमा समातेर घिसारेको भिडियो बाहिरिएपछि तीव्र विरोध भइरहेको छ।

​प्राप्त विवरण अनुसार, ती महिलाले परिवारको मञ्जुरीविना अन्तरराज्यीय प्रेम विवाह गरेकी थिइन्। विवाहको केही समयपछि उनका श्रीमान् अचानक बेपत्ता भए। श्रीमान्‌को खोजी र आफ्नो अधिकारका लागि उनी ससुराली पुगेकी थिइन्, जहाँ सासु-ससुरा र परिवारका अन्य सदस्यहरूले उनलाई घरभित्र पस्न नदिई विवाद सिर्जना गरेका थिए।

​घटनाको सूचना पाएपछि पुगेको प्रहरी टोलीले स्थिति सम्हाल्नुको साटो उल्टै पीडित महिलामाथि नै साघातिक बल प्रयोग गरेको थियो। प्रहरीले ती महिलालाई कपालमा समातेर घिसार्दै गाडीमा हालेको दृश्य सामाजिक सञ्जालमा भाइरल भएपछि मानव अधिकारवादी र सर्वसाधारणले प्रहरीको भूमिकामाथि गम्भीर प्रश्न उठाएका छन्। चौतर्फी विरोधपछि सम्बन्धित प्रहरी अधिकारीहरूमाथि छानबिन सुरु गरिएको बताइएको छ।