रुसद्वारा अफगान तालिबान लडाकुहरूलाई अत्याधुनिक तालिम र हतियार: पाकिस्तानका लागि कडा सन्देश?

रुसले अफगानिस्तानको सत्तामा रहेको तालिबानका लडाकुहरूलाई अत्याधुनिक सैन्य सीप तथा आधुनिक हतियार सञ्चालनको उच्चस्तरीय तालिम दिइरहेको विशेष खुलासा भएको छ। मस्कोले तालिबान लडाकुहरूलाई विशेष सैन्य रणनीति र आधुनिक युद्धकलामा पोख्त बनाउन सहयोग गरिरहेको रिपोर्टमा उल्लेख छ।

​अन्तर्राष्ट्रिय विश्लेषकहरूका अनुसार रुसको यो कदमलाई यस क्षेत्रको भू-राजनीतिक वातावरणमा ठूलो फेरबदलका रूपमा हेरिएको छ। विशेष गरी अफगानिस्तानसँग सीमा जोडिएको र तालिबानसँग पछिल्लो समय सम्बन्ध चिसिँदै गएको पाकिस्तानका लागि रुसको यो गतिविधि एक कडा सन्देश वा चेतावनी हुन सक्ने विश्लेषण गरिएको छ।

​तालिबानलाई सैन्य रूपमा सुदृढ बनाउने रुसको प्रयासले दक्षिण एसियामा शक्ति सन्तुलनमा असर पार्ने अनुमान गरिएको छ। यद्यपि मस्कोले भने यस क्षेत्रमा सुरक्षा र स्थिरता कायम राख्न तथा अन्य चरमपन्थी समूहहरूको प्रभाव रोक्न तालिबानसँग सहकार्य गरिरहेको दाबी गर्दै आएको छ।