​पकाहामैनपुरमा दुई समूहबिच दोहोरो झडप: ८ जना घाइते

वीरगञ्ज, असोज २० — पर्साको पकाहामैनपुर गाउँपालिका–४ मा गैरकानुनी रूपमा भइरहेको मदिरा बिक्री-वितरण तथा सेवनको विरोध गर्दा दुई पक्षबिच झडप भएको छ। झडपका क्रममा आठ जना घाइते भएका छन्।
​गाउँमा अवैध मदिरा कारोबार बढेको र त्यसले अशान्ति सिर्जना गरेको भन्दै स्थानीयले विरोध जनाउने क्रममा भनाभन भई झडपको स्थिति सिर्जना भएको हो। घाइतेमध्ये दुई जनाको टाउकोमा गम्भीर चोट लागेको स्थानीयले बताएका छन्।
​घाइतेहरूलाई उपचारका लागि वीरगञ्जस्थित स्वास्थ्य संस्थातर्फ ल्याइएको छ। घटनाको जानकारी पाएलगत्तै प्रहरी टोली घट्नास्थल पुगी स्थिति नियन्त्रणमा लिने र अनुसन्धान अघि बढाउने कार्य गरिरहेको छ।