बाराको फेटा घटना: एसएसपी ढकालको नेतृत्वमा छानबिन समिति गठन, इन्स्पेक्टर लामाको जिम्मेवारी खोसियो
फेटा घटनाको छानबिन गर्न एसएसपी ढकालको नेतृत्वमा समिति गठन, इन्स्पेक्टर लामाको जिम्मेवारी खोसियो
बाराको फेटा गाउँपालिकामा अस्पताल उद्घाटनको विषयलाई लिएर भएको झडप र गोली प्रहारको घटनाबारे मधेश प्रदेश प्रहरी कार्यालयले छानबिन समिति गठन गरेको छ।
घटनाको छानबिन गर्न प्रहरी वरिष्ठ उपरीक्षक (एसएसपी) प्रभुप्रसाद ढकालको नेतृत्वमा तीन सदस्यीय समिति गठन गरिएको हो।
समितिमा नेपाल प्रहरी विशेष सुरक्षागण ढल्केवरका प्रहरी उपरीक्षक भुवनेश्वरप्रसाद साह र प्रदेश प्रहरी कार्यालय वीरगञ्ज, पर्साका प्रहरी निरीक्षक जटाशंकर यादव सदस्य रहेका छन्।
यसैबीच, घटनाअघि नै सुरक्षाको कमान्ड सम्हालिरहेका इलाका प्रहरी कार्यालय प्रसौनीका इन्चार्ज प्रहरी निरीक्षक (इन्स्पेक्टर) सुमन लामाको जिम्मेवारीसमेत खोसिएको छ। मधेश प्रदेश प्रहरी स्रोतका अनुसार लामालाई उक्त जिम्मेवारीबाट हटाइएको हो।
