​पर्सामा सशस्त्र प्रहरीको कडा कदम: १३ लाखको सामान नियन्त्रणमा

वीरगञ्ज: पर्साका विभिन्न सीमावर्ती नाकाहरूबाट गैरकानुनी रूपमा भित्र्याइएका ठूलो परिमाणका अवैध सामानहरू सशस्त्र प्रहरीले बरामद गरेको छ।
​सीमा क्षेत्रबाट भन्सार छली गरी ल्याइएका कपडा, औषधि, एयर कन्डिसनर (AC), स्मार्ट टिभी, हार्डवेयरका सामग्री तथा मोटरसाइकलहरू प्रहरीले नियन्त्रणमा लिएको हो।
​यसैगरी, वीरगञ्ज महानगरपालिका–३१ स्थित भेडाहा खोलामा अवैध रूपमा बालुवा उत्खनन गरिरहेको अवस्थामा करिब १३ लाख रुपैयाँ बराबरको एउटा ट्र्याक्टरसमेत नियन्त्रणमा लिइएको सशस्त्र प्रहरीले जनाएको छ।
​बरामद गरिएका भन्सार छलीका सामग्रीहरूलाई आवश्यक कारबाहीका लागि वीरगञ्ज भन्सार कार्यालय र अवैध बालुवा उत्खननमा प्रयोग भएको ट्र्याक्टरलाई जिल्ला समन्वय समिति पर्सामा बुझाइएको छ।