पूर्वप्रधानन्यायाधीश चोलेन्द्रशमशेर राणाद्वारा शान्ति सुरक्षाको माग

पूर्वप्रधानन्यायाधीश चोलेन्द्रशमशेर राणाद्वारा शान्ति सुरक्षाको माग

पूर्वप्रधानन्यायाधीश चोलेन्द्रशमशेर राणाले आफ्नो र परिवारको शान्ति सुरक्षाका लागि आवश्यक व्यवस्था मिलाइदिन काठमाडौँ उपत्यका प्रहरी कार्यालय, रानीपोखरीसमक्ष निवेदन दिएका छन्।

राणाका तर्फबाट उनका छोरा सचिन्द्र शमशेर ज.ब.रा. द्वारा पेश गरिएको उक्त निवेदनमा हालको समयमा देशको परिस्थिति, सामाजिक सञ्जाल तथा मिडियाहरूमा आएका समाचार र सुरक्षासँग सम्बन्धित प्रश्नहरूका कारण आफ्नो परिवारको शान्ति सुरक्षामा गम्भीर चुनौती महसुस भएको उल्लेख गरिएको छ।
साथै, विगतमा राज्यका विभिन्न अङ्गहरूमा वहन गरेका जिम्मेवारी र सर्वोच्च अदालतको प्रधानन्यायाधीशको हैसियतमा सम्पादन गरेका न्यायिक निर्णयहरूका कारण पनि असुरक्षाको महसुस भएको निवेदनमा जनाइएको छ।

आफ्नो सम्पूर्ण विवरण राज्यका सुरक्षा निकायहरूलाई पहिले नै जानकारी रहेको बताउँदै, पूर्वप्रधानन्यायाधीश राणाले आफू, परिवार तथा आफ्नो जिउज्यानको सुरक्षामा राज्यको ध्यान पुगोस् भन्दै थप सुरक्षा व्यवस्था मिलाइदिन प्रहरीसँग अनुरोध गरेका छन्।