बिन्दवासिनी गाउँपालिकामा रास्वपाको पालिका बैठक सम्पन्न: सांसद रमाकान्त चौरसियाको विशेष उपस्थिति, जनसेवामा खटिन युवा नेता रञ्जय यादवको निर्देशन
१७ असोज २०८३ · 👁 692 पटक पढिएको
बिन्दवासिनी गाउँपालिकामा रास्वपाको पालिका बैठक सम्पन्न: सांसद रमाकान्त चौरसियाको विशेष उपस्थिति, जनसेवामा खटिन युवा नेता रञ्जय यादवको निर्देशन
वीरगञ्ज (पर्सा)
राष्ट्रिय स्वतन्त्र पार्टी (रास्वपा) बिन्दवासिनी गाउँपालिका स्तरीय पालिका बैठक भव्य रूपमा सम्पन्न भएको छ। आगामी स्थानीय तहको निर्वाचनलाई लक्षित गरी आयोजना गरिएको उक्त बैठकले पालिकामा सङ्गठनलाई तल्लो तहसम्म सुदृढ बनाउने, सुशासन कायम गर्ने र जनताका समस्या समाधानमा प्रत्यक्ष रूपमा खट्ने कडा रणनीति पारित गरेको छ।
बैठकलाई सम्बोधन गर्दै युवा नेता रञ्जय यादवले रास्वपाको मुख्य एजेण्डा नै सुशासन, भ्रष्टाचार नियन्त्रण र सामाजिक रूपान्तरण रहेको बताउनुभयो। उहाँले केवल चुनावमा उम्मेदवारी दिनका लागि फारम भर्दैमा राजनीति सफल नहुने उल्लेख गर्दै समाज, टोल, गाउँ र पालिकाका विकृति-विसङ्गति उजागर गर्न तथा जनताका समस्या समाधानमा अग्रसर हुन कार्यकर्ताहरूलाई कडा निर्देशन दिनुभयो।
युवा नेता रञ्जय यादवले भन्नुभयो, "हामी जिते पनि वा नजिते पनि जनताको सेवामा निरन्तर खटिनुपर्छ। हाम्रो पार्टी सत्ता वा पदका लागि होइन, समाजका विकृति, भ्रष्टाचार र बेथितिविरुद्ध लड्नका लागि बनेको हो। गाउँ-ठाउँमा भइरहेका भ्रष्टाचार र अन्यायविरुद्ध आँखा चिम्लेर बस्ने छुट कसैलाई छैन।"
उक्त बैठकमा पर्सा क्षेत्र नम्बर ३ का प्रतिनिधिसभा सदस्य (सांसद) रमाकान्त चौरसिया, रास्वपा बिन्दवासिनी गाउँपालिकाका सभापति बिनोद कुमार चौरसिया, सचिव सुजित कुमार साह, विशाल पासवान, शिवनारायण कुशवाहा लगायतका नेता तथा कार्यकर्ताहरूको विशेष उपस्थिति रहेको थियो।
बैठकका अन्य वक्ताहरूले पनि गाउँपालिकाभित्रका सडक, शिक्षा, स्वास्थ्य, ढल-नाला र पिउने पानीका विकराल समस्याहरूलाई कडाइका साथ उठाउनुपर्ने र स्थानीय सरकारलाई जवाफदेही बनाउनुपर्नेमा जोड दिएका थिए।
राष्ट्रिय स्वतन्त्र पार्टी (रास्वपा) बिन्दवासिनी गाउँपालिका स्तरीय पालिका बैठक भव्य रूपमा सम्पन्न भएको छ। आगामी स्थानीय तहको निर्वाचनलाई लक्षित गरी आयोजना गरिएको उक्त बैठकले पालिकामा सङ्गठनलाई तल्लो तहसम्म सुदृढ बनाउने, सुशासन कायम गर्ने र जनताका समस्या समाधानमा प्रत्यक्ष रूपमा खट्ने कडा रणनीति पारित गरेको छ।
बैठकलाई सम्बोधन गर्दै युवा नेता रञ्जय यादवले रास्वपाको मुख्य एजेण्डा नै सुशासन, भ्रष्टाचार नियन्त्रण र सामाजिक रूपान्तरण रहेको बताउनुभयो। उहाँले केवल चुनावमा उम्मेदवारी दिनका लागि फारम भर्दैमा राजनीति सफल नहुने उल्लेख गर्दै समाज, टोल, गाउँ र पालिकाका विकृति-विसङ्गति उजागर गर्न तथा जनताका समस्या समाधानमा अग्रसर हुन कार्यकर्ताहरूलाई कडा निर्देशन दिनुभयो।
युवा नेता रञ्जय यादवले भन्नुभयो, "हामी जिते पनि वा नजिते पनि जनताको सेवामा निरन्तर खटिनुपर्छ। हाम्रो पार्टी सत्ता वा पदका लागि होइन, समाजका विकृति, भ्रष्टाचार र बेथितिविरुद्ध लड्नका लागि बनेको हो। गाउँ-ठाउँमा भइरहेका भ्रष्टाचार र अन्यायविरुद्ध आँखा चिम्लेर बस्ने छुट कसैलाई छैन।"
उक्त बैठकमा पर्सा क्षेत्र नम्बर ३ का प्रतिनिधिसभा सदस्य (सांसद) रमाकान्त चौरसिया, रास्वपा बिन्दवासिनी गाउँपालिकाका सभापति बिनोद कुमार चौरसिया, सचिव सुजित कुमार साह, विशाल पासवान, शिवनारायण कुशवाहा लगायतका नेता तथा कार्यकर्ताहरूको विशेष उपस्थिति रहेको थियो।
बैठकका अन्य वक्ताहरूले पनि गाउँपालिकाभित्रका सडक, शिक्षा, स्वास्थ्य, ढल-नाला र पिउने पानीका विकराल समस्याहरूलाई कडाइका साथ उठाउनुपर्ने र स्थानीय सरकारलाई जवाफदेही बनाउनुपर्नेमा जोड दिएका थिए।
