गाउँपालिकाको केन्द्र साविककै स्थानमा राख्न पूर्व वडा अध्यक्ष सञ्जय चौहानको मुख्य योगदान

गाउँपालिकाको केन्द्र साविककै स्थानमा राख्न पूर्व वडा अध्यक्ष सञ्जय चौहानको मुख्य योगदान

​पर्सा, बिरगंज

बिन्दबासिनी गाउँपालिकाको केन्द्र साविककै स्थान बहुअर्वा भाठामा कायम राख्न बिन्दबासिनी गाउँपालिका वडा नं. २ का पूर्व वडा अध्यक्ष सञ्जय चौहानको मुख्य भूमिका रहेको छ।

​गाउँपालिकाको प्रशासनिक केन्द्र अन्यत्र सार्ने निर्णयविरुद्ध चौहानले दृढतापूर्वक अडान र प्रतिरोध गर्दै स्थानीय जनताको हितमा केन्द्र बहुअर्वा भाठामै यथावत राख्न महत्त्वपूर्ण योगदान पुर्याउनुभएको हो। जनतालाई सहज, सुलभ र पहुँचयोग्य स्थानमै गाउँपालिकाको सेवा सुविधा उपलब्ध गराउनुपर्ने उहाँको निरन्तरको संघर्ष र अडानले स्थानीयवासीको भावनाको सम्मान गरेको छ।

​चौहानको यस साहसी पहल र निरन्तरको जनसेवाप्रति स्थानीय बासिन्दाले प्रशंसा गरेका छन्। जनअधिकार र जनहितप्रतिको उहाँको प्रतिबद्धता अतुलनीय रहेको स्थानीयवासीहरूको भनाइ छ।