काठमाडौंमा ६८ किलो बढी चाँदीका गरगहनासहित भारतीय युवक पक्राउ
११ कात्तिक २०८३ · 👁 129 पटक पढिएको
काठमाडौं । प्रहरीले ६८ किलोभन्दा बढी चाँदीका गरगहनासहित एक भारतीय नागरिकलाई पक्राउ गरेको छ।
काठमाडौं उपत्यका अपराध अनुसन्धान कार्यालय टेकुको टोलीले भारतको बिहारस्थित रक्सौलका १९ वर्षीय अमन सर्राफलाई ६८ किलो २४४.२४ ग्राम चाँदीका गरगहनासहित पक्राउ गरेको हो।
कार्यालयका सूचना अधिकारी एवं प्रहरी उपरीक्षक रामेश्वर कार्कीका अनुसार सर्राफलाई सोमबार चन्द्रागिरि नगरपालिका–७ बाट पक्राउ गरिएको हो। उनलाई थप अनुसन्धान तथा आवश्यक कानुनी कारबाहीका लागि मंगलबार त्रिभुवन विमानस्थल भन्सार कार्यालय, गौचर काठमाडौं पठाइएको कार्कीले जानकारी दिए
